Immikkut inatsisinik unioqqutitsinerit
Immikkut inatsisit inatsisinik ataasiakkaanik immikkullu ittunik sammisalinnik imaqarput. Immikkut inatsisit sammisanik assigiinngitsunik soorlu sumiiffinni tamanut ammasuni politiit torersumik eqqissisimanermillu qularnaarinninnissaannik atuutsitsinernik (Politiit ileqqoreqqusaat), aanngajaarniutit pillugit inatsimmik, sakkoqarnermut inatsimmik, avatangiisit pillugit inatsimmik il.il. imaqarput.
Immikkut inatsisinik unioqqutitsinermi unnerluussinerit oqartussanit sammisanut assigiinngitsunut sunniuteqartunik nakkutilliisunit ingerlanneqarajunnerusarput. Taamaattumillu immikkut inatsisit ataanni unnerluussinerit kisitsisitigut paasissutissaat aamma oqartussat assigiinngitsut qanoq suliniutinik ingerlataqarnerannit sunnerneqarput. Oqartussallu pineqartut tassaapput Akiitsuuserivik aammalu Ikiaroornartunik Nakkutilliisoqarfik, Arktisk Kommando, Aalisarnermik Nakkutilliisoqarfik, Kalaallit Nunaanni Sulisoqarnermut Nakkutilliisoqarfik taakkulu suliffeqarfinnut pulaartarnerat.
Angallannermut inatsit immikkut inatsiseqarnerup ataaniippoq, angallannermullu inatsimmik unioqqutitsinerit amerlassusiisa immikkut inatsisinik unioqqutitsinerit amerlassusaat ataatsimut naligiinnarmagit angallannermut inatsimmik unioqqutitsinerit nalunaarsukkat amerlassusaat immikkut immikkoortulerlugit saqqummiunneqarput.
Tabel 6. 2014-imiit 2018-imut immikkut inatsisit allat ataanni unnerluussinerit, unioqqutitsinerit suunerinut agguaallugit
|
|
2014 |
2015 |
2016 |
2017 |
2018 |
|
Inatsisini allani katillugit ................. |
936 |
781 |
818 |
851 |
717 |
|
Ikiaroornartut pillugit inatsit ................ |
592 |
486 |
535 |
537 |
464 |
|
Ikuallattoqartillugu inatsit .................. |
27 |
23 |
16 |
13 |
22 |
|
Politiit peqqussutaat ..................... |
92 |
92 |
99 |
101 |
102 |
|
Pinerluttulerinermi inatsisit immikkut ittut allat ... |
27 |
26 |
32 |
43 |
26 |
|
Uumasut piniarnerlu pillugit inatsitit, uumasunik naalliutsitsineq ilanngullugu ................ |
79 |
61 |
73 |
58 |
41 |
|
Suliffeqarneq, assartuineq il.il. pillugit inatsisit .. |
48 |
38 |
21 |
26 |
22 |
|
Immeraatit, akuersissutit inuussutissarsiutillu pillugit inatsisit ............................... |
11 |
25 |
17 |
25 |
25 |
|
Inatsisit allat sinneri ...................... |
60 |
30 |
25 |
49 |
15 |
Najoqqutaq: Naatsorsueqqissaartarfik – kisitsisaataasivimmi kisitsisit takukkit: http://bank.stat.gl/KRNAN
Tabel 6-imi takuneqarsinnaasutut immikkut inatsisinik unioqqutitsinerni 2018-imi agguaqatigiissillugu 65 pct.-it aanngajaarniutit pillugit inatsimminngaanneerput.